Каварскас (літ.: Kavarskas, традыцыйная беларуская назва — Кава́рск) — горад у цэнтральнай Літве. Колькасць насельніцтва складае каля 707 чалавек (2007). Праз Каварск працякае рака Швянтойі, на якой знаходзіцца водная электрастанцыя. Горад знаходзіцца ў Анікшчэйскім раёне Уцянскага павета. Каварск адносіцца да этнаграфічнага рэгіёна Аўкштайція.
Першыя гістарычныя згадкі пра паселішча адносяцца да 1538 года, пад назвай Малыя Пянёны. У канцы ХV стагоддзя Аляксандр Ягелончык падарыў паселішча свайму скарбніку Станіславу Каварскаму. З гэтага часу паселішча змяніла назву на сучасную. У наступныя стагоддзі Каварск належаў Осцікавічам[1], Агінскім, Тышкевічам. У 1956 годзе Каварскас атрымаў правы горада.