У Вікіпедыі ёсць артыкулы пра іншых асоб з прозвішчам Красінскі. Зыгмунт Красі́нскі (польск.: Zygmunt Krasiński; 19 лютага 1812, Парыж — 23 лютага 1859) — польскі празаік , драматург ; прадстаўнік рамантызму.
Вучыўся ў Варшаўскім універсітэце (1827—1929). Дэбютаваў гістарычнымі аповесцямі. Найбольш значны твор — драма «Нябоская камедыя» (1835), у якой адлюстраваны канфлікт паміж паэтычнай асобай і будзённасцю прыватнага жыцця, асуджанасць старога свету і гістарычная бесперспектыўнасць рэвалюцыі як разбуральнай сілы. Месіянізм, вера ў прагрэс чалавецтва праз пакуты, ахвяры, маральнае ўдасканаленне ў драме «Ірыдыён» (1836), паэмах «Тры думкі Генрыка Лігэнзы» (1840), «Напярэдадні» (1843), цыкле «Псалмы будучыні» (1845—1948). У лістах З. Красінскага ўтрымліваецца каштоўная інфармацыя пра літаратуру, мастацтва, філасофію эпохі.