Златкі (Buprestidae) — разгалінаванае і шматлікае сямейства атрада Жукі (Coleoptera), якое ўключае ў сябе больш за 15 000 відаў, якія распаўсюджаны на ўсіх кантынентах і астравах, акрамя Арктыкі і Антарктыкі. На тэрыторыі Беларусі 23 віды. Найбольшая колькасць і відавая разнастайнасць златак назіраецца ў краінах з трапічным і субтрапічным кліматам, дзе засяроджана каля 80 % вядомых відаў.
Сямейства налічвае каля 9000[1] відаў. Цела жукоў клінападобнай формы, даўжынёй 2—40[2] мм, падоўжанае, звужанае на канцы, з металічнай афарбоўкай. Вусікі кароткія, пілаватыя. Даўжыня лічынак вагаецца ад 4—5 да 70[1] м. Лічынкі бязногія, белаватыя, з хіцінавай галавой.
Жывуць на ствалах дрэў, бярвенні, сцяблах і кветках раслін. Развіваюцца і зімуюць пад карой, у драўніне, пракладаючы звілістыя хады.
Дарослыя жукі кормяцца нектарам, пылком, і часткамі раслін.