Зернаград (руск.: Зерноград) — горад (з 1951 года) у Расіі, адміністрацыйны цэнтр Зернаградскага раёна Растоўскай вобласці. Насельніцтва 27,7 тыс. чалавек (2007). Заснаваны ў 1915 годзе як раз’езд Вярблюд.
Размешчаны ў Сальскіх стэпах, за 77 км ад Растова-на-Доне.
У горадзе функцыянуе буйны элеватар. Горад Зернаград — цэнтр сельскагаспадарчай навукі. Тут дзейнічаюць Усерасійскі навукова-даследчы праектна-тэхналагічны інстытут механізавання і электрыфікацыі сельскай гаспадаркі, Усерасійскі навукова-даследчы інстытут сорга і іншых зерневых культур, Азова-Чарнаморская дзяржаўная аграінжынерная акадэмія, Паўночна-Каўказская машынавыпрабавальная станцыя.