Зборная Латвіі па футболе
Нацыянальная зборная Латвіі па футболе (лат.: Latvijas Nacionālā futbola izlase) — зборная, якая прадстаўляе Латвію на міжнародных спаборніцтвах па футболе. Да далучэння да СССР ні разу не гуляла ў фінальнай стадыі чэмпіянатаў свету, пасля распаду СССР адзін раз прыняла ўдзел у чэмпіянаце Еўропы — у 2004 годзе.
Гісторыя
Першы матч зборная правяла ў 1922 годзе супраць каманды Эстоніі. Найбольшага поспеху латышы змаглі дамагчыся ў Балтыйскім Кубку, заваяваўшы яго 19 разоў. Перад Другой сусветнай вайной Латвія была наймацнейшай прыбалтыйскай зборнай, але значна саступала ў класе лепшым еўрапейскім камандам. Нягледзячы на гэта, Латвія была блізкая да таго, каб прабіцца ў фінальны турнір чэмпіянату свету па футболе 1938. Прайграўшы на другім этапе адбору зборнай Аўстрыі 2:1, тым не менш Латвія павінна была апынуцца на фінальным турніры чэмпіянату свету па футболе 1938, бо Аўстрыя была анексавана Германіяй і выключаная са складу ўдзельнікаў.
З 1940 па 1992 год зборная каманда не існавала асобна, бо Латвія ўваходзіла ў склад Савецкага Саюза. Першы матч пасля паўторнага прызнання ФІФА зборная правяла 8 красавіка 1992 у Бухарэсце супраць Румыніі.
Найвышэйшым дасягненнем з’яўляецца выхад у фінальную частку чэмпіянату Еўропы 2004 года, дзе яны змаглі дамагчыся нічыёй з Германіяй і ледзь не стварылі сенсацыю ў матчы са зборнай Чэхіі.
Статыстыка выступаў у афіцыйных турнірах
Чэмпіянаты свету (адборачныя турніры)
| Год | Адборачная група | Месца | Матчы | Перамогі | Нічыі | Паражэнні | Мячы | Ачкі |
|---|---|---|---|---|---|---|---|---|
 1938 | Група 8 | 1 | 2 | 2 | 0 | 0 | 9—3 | 4 |
 1994 | Група 3 | 6 | 12 | 0 | 5 | 7 | 4—21 | 5 |
| 1998 | Група 4 | 4 | 10 | 3 | 1 | 6 | 10—14 | 10 |
  2002 | Група 6 | 4 | 8 | 1 | 1 | 6 | 5—16 | 4 |
 2006 | Група 3 | 5 | 12 | 4 | 3 | 5 | 18—21 | 15 |
 2010 | Група 2 | 3 | 10 | 5 | 2 | 3 | 18—15 | 17 |
 2014 | Група G | 5 | 10 | 2 | 2 | 6 | 10—20 | 8 |
 2018 | Група B | 5 | 10 | 2 | 1 | 7 | 7—18 | 7 |
Чэмпіянаты Еўропы (адборачныя турніры)
| Год | Адборачная група | Месца | Матчы | Перамогі | Нічыі | Паражэнні | Мячы | Ачкі |
|---|---|---|---|---|---|---|---|---|
 1996 | Група 6 | 5 | 10 | 4 | 0 | 6 | 11—20 | 12 |
.svg){kind=small}  2000 | Група 2 | 4 | 10 | 3 | 4 | 3 | 13—12 | 13 |
 2004 | Група 4 | 2 | 8 | 5 | 1 | 2 | 10—6 | 16 |
  2008 | Група F | 5 | 12 | 4 | 0 | 8 | 15—17 | 12 |
  2012 | Група F | 4 | 10 | 3 | 2 | 5 | 9—12 | 11 |
| 2016 | Група A | 6 | 10 | 0 | 5 | 5 | 6—19 | 5 |
Зноскі
- ↑ Men’s Ranking — FIFA, 2017. Праверана 25 лістапада 2017.
Спасылкі
- Афіцыйны сайт федэрацыі
- Зборная Латвіі на сайце ФІФА Архівавана 12 красавіка 2018. (англ.)
- Статыстыка выступаў зборнай на RSSSF
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Зборная Латвіі па футболе