Закрыні́чны сельсавет — былая адміністрацыйна-тэрытарыяльная адзінка ў складзе Чачэрскага раёна Гомельскай вобласці. Цэнтр — вёска Загор’е.
Утвораны 30 снежня 1927 года ў складзе Чачэрскага раёна Гомельскай акругі БССР шляхам аб’яднання тэрыторыі скасаваных Загорскага і Салтанаўскага сельсаветаў. Цэнтр — вёска Закрынічная. Пасля скасавання акруговай сістэмы 26 ліпеня 1930 года ў Чачэрскім раёне БССР. У 1931 годзе цэнтр сельсавета перанесены ў вёску Салтанаўка. З 20 лютага 1938 года ў складзе Гомельскай вобласці. У 1939 годзе цэнтр сельсавета перанесены перанесены ў вёску Загор’е. 29 кастрычніка 1959 года скасаваны, тэрыторыя далучана да Бяляеўскага сельсавета[1].