Жэрар Дэзарг (фр.: Girard Desargue; 1591—9 кастрычніка 1661) — французскі геаметр.
Паходзіў з арыстакратычнай сям’і, пачаў службу ў шэрагах арміі. Пры аблозе Ла-Рашэль пазнаёміўся і пасябраваў з Дэкартам. Пакінуўшы службу, пасяліўся ў Парыжы, дзе ўвайшоў у гурток Шатэро-Лефеўра, у якім сустракаў Гасендзі, Буё, Раберваля, Паскаля і іншых матэматыкаў таго часу. Заснавальнік праектыўнай геаметрыі.