Жоўтая мазаіка фасолі[1] — хвароба раслін, выкліканая вірусам жоўтай мазаікі фасолі. Часта развіваецца на бабовых, але пашкоджвае і расліны іншых сямействаў, у прыватнасці гладыёлусы (Gladiolus)[1].
На маладым лісці з’яўляюцца бледна-зялёныя або жаўтаватыя плямы рознай велічыні і формы, якія потым некратызуюцца. Гладкаафарбаваныя сарты набываюць стракатую афарбоўку, на пялёстках бледнаафарбаваных кветак узнікаюць пурпуровыя палосы, краі пялёсткаў злёгку закручваюцца, клубнецыбуліны драбнеюць і не даюць кветак[1].