Жлобінскі заапарк — заапарк у г. Жлобін. Заснаваны ў 1991 годзе як заалагічны парк. З 2001 года гарадскі заапарк. З 2008 года сучасная назва. Агульная плошча 0,4 га.
У заапарку (2011) утрымліваюцца каля 60 відаў звяроў і птушак. На тэрыторыі размешчаны секцыі птушак, дробных грызуноў, капытных і драпежных жывёл. Маецца штучны вадаём для вадаплаўных птушак. Сярод насельнікаў заапарку — алені, казулі, лісы, ваўкі, ламы, пясец, дзікабраз, камерунскі казёл, янот-паласкун, трусы, папугаі, буслы, паўліны, вялікая разнастайнасць курэй і качак, а таксама жывёл, занесеныя ў Чырвоную кнігу Беларусі — буры мядзведзь, арлан-белахвост, сярэднеазіяцкая і балотная чарапахі.