У Вікіпедыі ёсць артыкулы пра іншых асоб з прозвішчам Перэн.
Жан Батыст Перэн (фр.: Jean Baptiste Perrin, 30 верасня 1870, горад Ліль, Францыя — 17 красавіка 1942, Нью-Ёрк, ЗША) — французскі фізік, лаўрэат Нобелеўскай прэміі ў галіне фізікі ў 1926 годзе «за працу па дыскрэтнай прыродзе матэрыі і за адкрыццё седыментацыйнай раўнавагі».
Нарадзіўся ў горадзе Ліль. Вучыўся ў École Normale Supérieure у Парыжы. У 1894 годзе ён прыступіў да вывучэння катодных прамянёў і рэнтгенаўскага выпраменьвання і ў гэты ж час стаў асістэнтам у Grande École. У 1897 годзе быў прызначаны выкладчыкам па фізічнай хіміі ў Сарбоне, аднім з найбуйнейшых універсітэтаў тагачаснай Францыі. Праз 13 гадоў, у 1910 Жан Батыст Перэн стаў прафесарам і ўтрымліваў гэтую пасаду нават падчас Другай сусветнай вайны.