Жанна Анатолеўна Капуснікава (нар. 18 лістапада 1965, г. Мінск) — беларуская мастачка, спецыяліст па мастацкім мадэляванні адзення.
У 1977—1980 гадах вучылася ў дзіцячая мастацкая школа № 1 у Мінску (выкладчыкі А. А. Царанкоў, К. У. Зяляны).
У 1980—1984 гадах вучылася на жывапісна-педагагічным аддзяленні Мінскім мастацкім вучылішчы імя А. Глебава (выкладчыкі Ю. Ф. Выхадцаў, А. А. Малішэўскі), у 1988—1993 гадах — на аддзяленні мастацкага мадэлявання Беларускай акадэміі мастацтваў (выкладчыкі У. В. Угрыновіч, Л. М. Міронава, Г. Юрэвіч). З 1994 года ўдзельніца выставак.
У 1994—2003 гг. — мастак па касцюмах у ансамблі «Песняры»; у 1996—2001 гг. — галоўны мастак майстэрняў Нацыянальнага тэатра оперы і балета Рэспублікі Беларусь; з 2001 года мастак-пастаноўшчык Дзяржаўнага музычнага тэатра Беларусі, у 2002—2006 гг. — мастак-пастаноўшчык і мастак па касцюмах шматлікіх рэкламных ролікаў і відэакліпаў.
Член Беларускага саюза мастакоў з 2000 года, член Беларускага саюза дызайнераў з 2000 года, член Беларускага саюза тэатральных дзеячаў з 2001 года.
Мастак па касцюмах у мастацкіх фільмах «Анастасія Слуцкая» («Беларусьфільм», у суаўтарстве з Аленай Ігрушай, 2002), «Трамвай у Парыж» («Беларусьфільм», 2009—2010), мастак-дэкаратар мастацкага фільма «Трэцяе неба» («Піраміда», Масква, 2007).
У 2003 годзе за фільм «Анастасія Слуцкая» сумесна з Аленай Ігрушай трымала плацінавы спецыяльны прыз Best Design Costume на міжнародным кінафестывалі ў Х’юстане[en].