Жак Жозэф Шарль Вільнёў (фр.: Jacques Joseph Charles Villeneuve; 9 красавіка 1971, Сэн-Жан-сюр-Рышэлье, Квебек) — канадскі аўтагоншчык. Чэмпіён серыі Інды кар 1995 года і чэмпіён свету Формулы-1 1997 года.
Сын вядомага гоншчыка Жыля Вільнёва, загіблага ў 1982, Жак названы ў гонар дзядзькі, менш вядомага гоншчыка Жака Вільнёва (старэйшага). Вучыўся ў прыватнай школе Beau Soleil у Швейцарыі.
У ліпені 2009 развёўся з жонкай Жаннай (Марцінес), у іх двое сыноў — Жуль (нарадзіўся ў 2006) і Джонас (2007).
Быў удастоены гонару несці Алімпійскі сцяг на адкрыцці гульняў у Ванкуверы.
У 1994 годзе выйшаў на старт у Indy Car. У першы сезон заваяваў тры подыумы — адно трэцяе месца, другое месца ў Індыянапалісе і перамогу на Road America.
У 1995 годзе перамог у «Інды-500» (нягледзячы на штраф у два кругі, які быў накладзены за абгон пейс-кара на 38 крузе). Па выніках сезона стаў чэмпіёнам серыі[4]