Жазеф Эрнест Рэнан (фр.: Joseph Ernest Renan; 28 лютага 1823, Трэг’е, дэпартамент Кот-д’Армор — 2 кастрычніка 1892, Парыж) — французскі пісьменнік, гісторык і філолаг.
Нарадзіўся ў невялікім мястэчку Брэтані. Яго бацька, небагаты марак, памёр, калі Рэнану было 5 гадоў. Найбольшы ўплыў на Рэнана ў дзяцінстве аказвала яго старэйшая сястра, Генрыэта, з якой ён захаваў сяброўства да самай яе смерці. Маці Рэнана, жадаючы прысвяціць яго царкве, аддала ў мясцовую духоўную семінарыю, адкуль ён перайшоў у 1838 у парыжскую семінарыю св. Мікалая (St.-Nicolas du Chardonnet), якой кіраваў тады Дзюпанлу.