Ея[1] (руск.: Е́я) — рака ў Краснадарскім краі Расіі, упадае ў Ейскі ліман Таганрогскага заліва Азоўскага мора. Даўжыня 311 км, плошча басейна 8650 км². Цячэ ў шырокай даліне па Кубана-Прыазоўскай (Прыкубанскай) нізіне. Сцёк пераважна ў перыяд раставання снягоў, летам Ея перасыхае; у нізоўях даліна забалочаная. Вада саланаватая. Сярэдні гадавы расход вады каля 2,5 м³/с (станіца Кушчоўская). Прытокі: Сасыка (левы) і Кугаея (правы).