wd wp Пошук: ⬜

Ежы Плютовіч

Е́жы Плюто́віч (польск.: Jerzy Plutowicz, 30 студзеня 1947, Бельск-Падляшскі) — польскі паэт і эсэіст.

Біяграфія

Нарадзіўся 30 студзеня 1947 у Бельску Падляшскім. Вывучаў рускую філалогію ў Варшаўскім універсітэце. Жыве ў Беластоку.

Творчасць

Дэбютаваў у 1967 г. на старонаках часопісу «Сучаснасць» («Współczesność»). Пасля яго вершы публікаваліся ў «Паэзіі» («Poezja»), «Творчасці» («Twórczość»), «Культуры» («Kultura»), штомесячніку «Сімвалы» («Charaktery»). У 1975 г. выдаў першы паэтычны зборнік «Некалі значыць ніколі» («Niegdyś to znaczy nigdy»). З’яўляецца трохразовым лаўрэатам літаратурнай прэміі В. Казанецкага. У 2006 г. выдаў зборнік эсэ «Раптам, у свеце» («Nagłe, w świecie»). Тэксты Плютовіча перакладзены на беларускую, украінскую, сербскую і англійскую мовы. Сам аўтар займаецца таксама перакладамі, перакладаў творы Сакрата Яновіча, Васіля Петручука.

Біябліяграфія

Выдаў паэтычныя зборнікі:

«Некалі значыць ніколі»/«Niegdyś to znaczy nigdy», 1975;
«Пачутае да канца»/«Zasłyszane do końca», 1981;
«Пусты гадзіннік»/«Pusty zegar», 1987;
«Матылёк і камень»/«Motyl i Kamień», 1992;
«Рака. Цені на вадзе»/«Rzeka. Cienie na wodzie», 1996;
«Катлавіна»/«Kotlina» — выбраныя вершы, 1998;
«Забытая вайна (Акно ў сад)»/«Zapomniana wojna (Okno na sad)», 2000;
«Забытая вайна (Еўропа пасля дажджу)»/«Zapomniana wojna (Europa po deszczu)», 2002;

Эсэ:

«Раптам, у свеце»/«Nagle, w świecie», 2006.

Зноскі

Спасылкі

Аўтарская старонка Архівавана 15 верасня 2017.