Ева Алісія Маеўска (польск.: Ewa Alicja Majewska; нар. 21 ліпеня 1978, Варшава, ПНР) — польскі філосаф, палітычная актывістка і пісьменніца. У 1990-х і пачатку 2000-х яна ўдзельнічала ў анархісцкіх, антыпамежных, экалагічных і жаночых рухах.
Яна ўдзельніца вядомых міжнародных канферэнцый[4], праектаў[5] і публікуе артыкулы і эсэ ў часопісах і зборніках, у тым ліку: e-flux, Signs, Third Text, Journal of Utopian Studies і Jacobin[6][7].
Яна была запрошаным супрацоўнікам у Інстытуце навук аб чалавеку (Вена) пры Каліфарнійскім ўніверсітэце ў Берклі, і ў цяперашні час з’яўляецца членам Інстытута культурных даследаванняў (Берлін)[8][9].
Маеўская вывучала філасофію, французскую літаратуру і гендэрныя даследаванні ў Варшаўскім універсітэце. Атрымала доктарскую ступень па філасофскіх канцэпцыях сям’і ў Варшаўскім універсітэце ў 2007 годзе. З 2003 года — выкладчык гендарных даследаванняў ва ўніверсітэце[10][11].
З 2011 па 2013 год яна была прафесарам Інстытута культуры Ягелонскага ўніверсітэта ў Кракаве, Польшча, затым два гады была запрошаным супрацоўнікам Інстытута навук аб чалавеку ў Вене і яшчэ два гады (2014—2016) у Інстытуце культурных даследванняў у Берліне[10].
Цяпер яна займаецца даследаваннем філасофіі Гегеля, засяроджваючыся на дыялектыцы і слабай, фемінісцкай крытычнай тэорыі і антыфашысцкіх культурах. Яе кніга “Feminist Antifascism: Counterpublics of the Common " выйшла ў выдавецтве Verso у 2021 годзе[12].
Яна стала валанцёрам у польскай IndyMedia і працавала ў жаночай секцыі Камітэту дапамогі і абароны рэпрэсаваных. Яна таксама з’яўляецца аўтарам дакладу аб гвалце ў адносінах да жанчын у сям’і і інтымных адносінах для польскага аддзялення Amnesty International (2005)[13].
У 2004 годзе разам з Аляксандрай Палісевіч стварыла групу Syreny TV[14]. Дзе былі падрыхтаваны дакументальныя фільмы з серыі варшаўскіх дэманстрацый і праекта «Усе наперад да крайніх правых» (2005). Гэты фільм з’яўляецца запісам размоў, якія круцяцца вакол аналогіі паміж Польшчай 2005 года і Веймарскай рэспублікай. Яго паказалі ў Веймары на фестывалі «Attention, Polen Kommen!» (2005) і на выставах у Варшаве і Гданьску. [15]
У 2015—2018 гадах яна была сябрам сацыял-дэмакратычнай польскай палітычнай партыі Lewica Razem (Левыя разам), займала пасады ў назіральным камітэце і нацыянальнай радзе партыі. На парламенцкіх выбарах у 2015 годзе балатавалася ў Сейм Варшаўскай акругі з 26-ым месца ў агульным спісе[16]. У складзе партыі ўдзельнічала ў працы статутнай камісіі, а таксама выступала састваральнікам праграмы «Разам за культуру». У маі 2016 года была абраная ў рэвізійную камісію партыі, а ў чэрвені 2017 года — у нацсавет[17]. З канца 2018 года яна больш не з’яўляецца членам партыі.