У Вікіпедыі ёсць артыкулы пра іншых асоб з прозвішчам Гартлі.
Дэвід Гартлі (англ.: David Hartley, 30 жніўня 1705, Армлі, Ёркшыр, Англія — 28 жніўня 1757, Бат, Англія) — англійскі мысляр, адзін з заснавальнікаў псіхалагічнай тэорыі, якая вядомая як асацыянізм.
Нарадзіўся ў сям’і святара, вывучаў багаслоўе. Пазней пачаў займацца медыцынай і выбраў яе ў якасці прафесіі.
Асноўны праца Гартлі — «Роздум аб чалавеку, яго будове, яго абавязку і спадзяваннях» (анг. Observations on man, his frame, his duty and expectations). У ім развіваецца вучэнне пра вібрацыі ў нервовай сістэме, а таксама прадстаўленне аб асацыяцыі ідэй як універсальным механізме псіхічнага жыцця. Другая частка працы прысвечана разгляду тэалагічных праблем.