Дыяфа́нт Александры́йскі (стар.-грэч.: Διόφαντος ὁ Ἀλεξανδρεύς; мабыць, 3 ст.) — старажытнагрэчаскі матэматык. Аўтар трактата «Арыфметыка» (збераглося 6 кніг з 13) і працы пра т.зв. многавугольныя лікі (засталіся ўрыўкі). У «Арыфметыцы» даецца рашэнне задач, якія прыводзяць да т.зв. дыяфантавых ураўненняў. Увёў літарную сімволіку ў алгебру. Працы Дыяфанта сталі зыходным пунктам для даследаванняў П. Ферма, Л. Эйлера, К. Гауса і іншых.