У гэтага паняцця ёсць і іншыя значэнні, гл. Дыяспара. Дыя́спара (грэч.: διασπορά, «рассейванне») — частка народа (этнаса), якая пражывае па-за краінай свайго паходжання, утварае згуртаваныя і ўстойлівыя этнічныя групы ў краіне пражывання, і мае сацыяльныя інстытуты для падтрымання і развіцця сваёй ідэнтычнасці і супольнасці[1].
Адносіны з дыяспарай усведамляюцца як важны кірунак знешняй палітыкі шматлікімі краінамі. Для некаторых краін (Ізраіль, Арменія, Індыя) дыяспара, якая аказвае палітычную і эканамічную падтрымку гістарычнай радзіме, гуляе асабліва важную ролю.
Дыяспара можа гуляць таксама прыкметную ролю ў захаванні нацыянальнай культуры і фарміраванні нацыянальнай самасвядомасці.