Дыядэ́ма (грэч.: Διάδημα ад грэчаскага слова diadeo якое азначае «абвязаць» ці «замацаваць») — галаўное ўпрыгажэнне ў выглядзе вянка. Часта вянок не замыкаецца ў кольца, а застаецца адкрытым. У некаторых выпадках дыядэма не мае вянка, а прымацоўваецца да валасоў.
Найстаражытнейшыя дыядэмы адносяцца да неалітычнага перыяду. У старажытнасці і ў Сярэднявеччы служыла сімвалам царскай ці жрэцкай годнасці.