Дуэра (ісп.: Duero), Дору (парт.: Douro), Дурый (лац.: Durius) — рака, якая бярэ пачатак на тэрыторыі Іспаніі і ўпадае ў Атлантычны акіян ў Партугаліі. Адна з найбуйнейшых рэк Пірэнейскага паўвострава, агульная працягласць — 897 км. Прытокі: Пісуэрга.
Дуэра працякае ў Іспаніі па тэрыторыі правінцый Сорыя, Бургас, Вальядалід, Самора і Саламанка. Перасякае мяжу ў раёне Міранда-ду-Дору і далей працякае па тэрыторыі Партугаліі пад назвай Дору. Падвойная назва ракі, як правіла, адлюстроўваецца на геаграфічных картах.