Ду́бніца-над-Ва́гам (славацк.: Dubnica nad Váhom, ням.: Dubnitz an der Waag, венг.: Máriatölgyes) — горад у паўночна-заходняй Славакіі, які стаіць на рацэ Ваг. Насельніцтва каля 26 тыс. чалавек.
Дубніца ўпершыню згадваецца ў 1193 годзе. Да XIX стагоддзя была малаважным паселішчам. Менавіта тады тут пачалі з’яўляцца першыя майстэрні і цэхі. Вялікія змены прыйшлі ў 1928 калі тут адкрыўся адзін са зброевых заводаў фірмы Шкода. Так Дубніца на доўгі час (да 1988, калі пачалася канверсія) стала адным з найбуйнейшых арсеналаў былой Чэхаславакіі.