Долі Мэдысан
У Вікіпедыі ёсць артыкулы пра іншых асоб з прозвішчам Мэдысан.
Долі Пэйн Тод Мэдысан (англ.: Dolley Payne Todd Madison, 20 мая 1768 — 12 ліпеня 1849) — жонка 4-га прэзідэнта ЗША Джэймса Мэдысана, першая лэдзі ЗША з 1809 па 1817 год.
Біяграфія
Долі нарадзілася ў 1768 годзе ў Нью-Гардэне, цяпер Гілфард Кантры, Паўночная Караліна, у сям’і фермера. Свае падлеткавыя гады яна правяла ў Філадэльфіі. У студзені 1790 яна выйшла замуж за юрыста Джона Тода; у сямейнай пары было двое дзяцей — Джон Пэйн (1792—1852) і Уільям Тэмпл (нарадзіўся і памёр у 1793) . Увосень 1793 яе муж і малодшы сын памерлі ад жоўтай ліхаманкі.
Другім мужам Долі стаў Джэймс Мэдысан, з якім яна пабралася шлюбам 17 верасня 1794 г. Дзяцей у іх не было, аднак яны разам гадавалі Джона — сына ад першага шлюбу Долі. У 1801 сямейная пара пераехала ў Вашынгтон. Як жонка дзяржаўнага сакратара (такую пасаду займаў яе муж з 1801 па 1809), Долі Мэдысан выконвала ролю гаспадыні Белага дома падчас прэзідэнцтва Томаса Джэферсана, які быў удаўцом.
Падчас вайны 1812 года перад захопам Вашынгтона брытанскай арміяй Долі Мэдысан выратавала срэбра і іншыя каштоўнасці Белага дома, адправіўшы іх на захоўванне ў банк Мэрыленда. Сярод выратаваных ёю рэчаў быў таксама партрэт Джорджа Вашынгтона.
Зноскі
- 1 2 Dolley Madison // Encyclopædia Britannica Праверана 9 кастрычніка 2017.
- 1 2 Dolley Madison // SNAC — 2010. Праверана 9 кастрычніка 2017.
- ↑ http://www2.vcdh.virginia.edu/madison/overview/name.html
- 1 2 3 Kindred Britain
- ↑ (unspecified title) Праверана 7 жніўня 2020.
- ↑ Kindred Britain Праверана 15 красавіка 2021.
- ↑ Lundy D. R. The Peerage
Літаратура
- Allgor, Catherine. A Perfect Union: Dolley Madison and the Creation of the American Nation. New York: Henry Holt, 2005.
Спасылкі
-
На Вікісховішчы ёсць медыяфайлы па тэме Долі Мэдысан
Катэгорыя·Памерлі ў Вашынгтоне
Катэгорыя·Першыя лэдзі ЗША
Катэгорыя·Вікіпедыя·Старонкі з неадназначнымі геаланцужкамі
Катэгорыя·Памерлі ў 1849 годзе
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Пахаваныя ў Вірджыніі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Асобы
Катэгорыя·Нарадзіліся ў 1768 годзе
Катэгорыя·Памерлі 12 ліпеня
Катэгорыя·Нарадзіліся 20 мая