wd wp Пошук: ⬜

Дзідзье Драгба

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Дзідзье Іў Драгба Тэбілі (фр.: Didier Yves Drogba Tébily; нар. 11 сакавіка 1978, Абіджан, Кот-д’Івуар) — былы івуарыйскі футбаліст, нападнік. Ігрок нацыянальнай зборнай Кот-д’Івуара (2002—2014). На клубным узроўні вядомы ў першую чаргу па выступах за лонданскі «Чэлсі». Найлепшы бамбардзір англійскай Прэм’ер-лігі ў сезоне 2006/07 з 20 галамі і ў сезоне 2009/10 з 29 галамі. Пераможца Лігі чэмпіёнаў УЕФА ў сезоне 2012 года ў складзе «Чэлсі».

Кар’ера

Пасля гульні ў моладзевых клубах, Дзідзье дэбютаваў ва ўзросце 18 гадоў за клуб французскай Лігі 2 «Ле Ман». Ва ўзросце 21 года ён падпісаў свой першы прафесійны кантракт; у сезоне 2002/03 ён рэалізаваў свой патэнцыял, забіўшы 17 галоў у 34 матчах за клуб французскай Лігі 1 «Генгам». Падчас гэтага сезону Драгба дэбютаваў за зборную Кот-д’Iвуара і забіў свой першы гол за зборную ў лютым 2003 года. Ён перайшоў у марсельскі «Алімпік» у 2003 годзе за 3,3 мільёна фунтаў. Яго галявы поспех працягваўся і ў «Алімпіку», ён закончыў сезон з 19 галамі і дапамог «Марселю» выйсці ў фінал Кубка УЕФА 2004 года.

Улетку 2004 года Драгба перайшоў у «Чэлсі» за рэкордныя 24 мільены фунтаў, і ён стаў найдаражэйшым івуарыйскім іграком у гісторыі. У дэбютным сезоне ён дапамог клубу выйграць першы за 50 гадоў Чэмпіянат Англіі. Праз год ён яшчэ раз выйграў чэмпіянат. У сезоне 2006/07 ён забіў 33 галы, стаў найлепшым бамбардзірам чэмпіянату Англіі і забіў пераможныя галы ў фіналах Кубка Англіі і Кубка футбольнай лігі. Ён выіграў Кубак Англіі ў другі раз у 2009 годзе, забіўшы пераможны гол. У сезоне 2009—2010 ён выйграў першы залаты дубль і ў другі раз стаў найлепшым бамбардзірам чэмпіянату Англіі з 29 галамі. У сакавіку 2012 года, Дзідзье забіў свой 100 гол у чэмпіянаце Англіі і стаў першым афрыканскім іграком, які змог забіць 100 галоў. Ён стаў адзіным іграком у гісторыі, які забіваў у 4 фіналах Кубка Англіі запар. Вяршыняй яго кар’еры ў «Чэлсі» стаў фінал Лігі чэмпіенаў УЕФА 2012, у якім ён забіў гол на 88 хвіліне і пераможны пэнальці ў серыі супраць «Баварыі».

Драгба гуляе ў зборнай з 2002 года і з’яўляецца яе капітанам з 2006 года. Ён вывеў Кот д’Iвуар на чэмпіянат свету 2006 і ў першым матчы на ім забіў гол. Яго назвалі іграком 2006 года ў Афрыцы. Драгба з’яўляўся часткай зборнай у фіналах Кубкаў афрыканскіх нацый у 2006 і 2012 гадах, але ён прайграваў у серыі пенальці. У 2012 годзе ён стаў найлепшым бамбардзірам зборнай за ўсю гісторыю.

27 ліпеня 2015 года падпісаў аднагадовы кантракт з канадскім клубам «Манрэаль Імпэкт»[3]. У лістападзе 2016 года абвясціў, што па заканчэнні сезону пакіне «Манрэаль Імпэкт»[4]. У красавіку 2017 года падпісаў кантракт з клубам «Фінікс Райзінг» з амерыканскай лігі USL[5], дзе Драгба з’яўляецца таксама адным з саўладальнікаў. 8 лістапада 2018 года, згуляўшы ў сваім апошнім матчы ў фінале Кубка USL супраць «Луісвіл Сіці» (0:1), ва ўзросце 40 гадоў завяршыў кар’еру[6].

Дасягненні

Камандныя

Чэмпіён Англіі: 2005, 2006, 2010, 2015
Уладальнік Кубка Англіі: 2007, 2009, 2010, 2012
Уладальнік Кубка англійскай лігі: 2005, 2007, 2015
Уладальнік Суперкубка Англіі: 2005, 2009
Пераможца Лігі чэмпіёнаў УЕФА: 2012
Фіналіст Кубка афрыканскіх нацый 2006
Фіналіст Кубка афрыканскіх нацый 2012
Чэмпіён Турцыі: 2013
Уладальнік Кубка Турцыі: 2014
Уладальнік Суперкубка Турцыі: 2013

Асабістыя

Найлепшы бамбардзір Прэм’ер-лігі: 2006/07 (20 мячоў)
Найлепшы бамбардзір Прэм’ер-лігі: 2009/10 (29 мячоў)
Найлепшы футбаліст Афрыкі 2005, 2006, 2007 гадоў («Залаты леў»).
Удзельнік Чэмпіянату свету па футболе 2006
Уладальнік Onze d’Or: 2004
Найлепшы бамбардзір Кубка УЕФА: 2003/04
Гол года ў французскай Лізе 1: 2003/04
Каманда года ў французскай Лізе 1: 2003/04
Ігрок года ў французскай Лізе 1: 2003/04
Афрыканскі ігрок года: 2006, 2009
Каманда года ў Англіі: 2006/07, 2009/10
Ігрок матча за Суперкубак Англіі: 2005
Ігрок года ў Кот д’Івуары: 2007, 2012
Ігрок матча за Кубак футбольнай лігі: 2007
Ігрок матча за Кубак Англіі: 2010
Каманда года ESM: 2006-07
Каманда года УЕФА: 2007
Каманда года FIFA/FIFPro World XI: 2007
BBC Ігрок года ў Афрыцы: 2009
Ігрок года ў Афрыцы: 2010
Ігрок года Чэлсі: 2010
ТОП 100 журнала Time: 2010
Найлепшы бамбардзір Кубка Афрыканскіх Нацый: 2012
Каманда Кубка Афрыканскіх Нацый: 2006, 2008, 2012
Ігрок фінала Лігі чэмпіёнаў УЕФА: 2012
Найлепшы бамбардзір зборнай Кот-д’Івуара за ўсю гісторыю

Зноскі

↑ Didier Drogba // Transfermarkt — 2000. Праверана 9 кастрычніка 2017.
↑ Didier Drogba // Discogs — 2000. Праверана 9 кастрычніка 2017.
↑ Дрогба перешел в «Монреаль Импэкт»
↑ Дрогба объявил об уходе из «Монреаль Импэкт»
↑ Американский «Финикс Райзинг» объявил о переходе Дрогба
↑ Дрогба завершил карьеру в 40 лет, проиграв в финале Кубка ЮСЛ

Спасылкі

На Вікісховішчы ёсць медыяфайлы па тэме Дзідзье Драгба
Афіцыйны сайт Дзідзье Драгба (англ.)
Профіль на сайце transfermarkt.com (англ.)
Статыстыка на сайце National Football Teams (англ.)
Профіль на сайце soccerway.com (руск.)
Статыстыка на сайце UEFA.com (руск.)
Статыстыка на сайце FIFA (англ.)
Статыстыка на сайце soccerbase.com (англ.)