Дзя́гільскі сельсавет — былая адміністрацыйна-тэрытарыяльная адзінка ў складзе Мядзельскага раёна Мінскай вобласці Беларусі. Цэнтр — вёска Дзягілі.
Утвораны 12 кастрычніка 1940 года ў складзе Мядзельскага раёна Вілейскай вобласці БССР. З 20 верасня 1944 года ў складзе Маладзечанскай вобласці. 16 ліпеня 1954 года да сельсавета далучана тэрыторыя скасаванага Нагаўкаўскага сельсавета[1]. 15 лістапада 1957 года ў склад сельсавета з Мядзельскага сельсавета перададзены 4 населеныя пункты (Бялявіна, Кухальскія, Някасецк, Студзяніца)[2]. З 20 студзеня 1960 года сельсавет у складзе Мінскай вобласці. 26 верасня 2006 года скасаваны, тэрыторыя далучана да Слабадскога сельсавета[3].
На момант скасавання ў склад сельсавета ўваходзілі 19 населеных пунктаў: Бакачы, Вайцяхова, Вохабні, Двор Крапіўна, Дзягілі, Крапіўна, Кухальскія, Леанардава, Мікасецк, Мілты, Муцеўшчына, Нагаўкі, Нагаўшчына, Посапава, Пугачы, Рамашкі, Рубанікі, Студзяніца і Суднікі.