У Вікіпедыі ёсць артыкулы пра іншых асоб з прозвішчам Лапцеў. Дзмітрый Якаўлевіч Лапцеў (руск.: Дми́трий Я́ковлевич Ла́птев, 1701 — 1771) — расійскі даследчык Арктыкі. Віцэ-адмірал (1762).
На флоце з 1718 года. З 1736 года кіраваў адным з паўночных атрадаў Другой Камчацкай эскпедыцыі. У 1739-42 гадах даследаваў узбярэжжа паміж вусцем ракі Лена і мысам Вялікі Баранаў, у 1741-42 гадах правёў здымку рэк Вялікі Анюй і Анадыр. Па заканчэнні экспедыцыі да 1762 года служыў на Балтыйскім флоце. Імем Лапцева названы мыс у дэльце ракі Лена, праліў, у гонар Дз. Я. і Х. П. Лапцевых названа мора Лапцевых.