У Вікіпедыі ёсць артыкулы пра іншых асоб з прозвішчам Скот (значэнні).
Джэймс Скот, 1-ы герцаг Монмут і 1-ы герцаг Баклейх (англ.: James Scott, 1st Duke of Monmouth нар. 9.4.1649, Ротэрдам — пам. 15.7.1685, Лондан) — пазашлюбны сын Карла II і яго палюбоўніцы, Люцыі Уолтэр. Быў абезгалоўлены ў 1685 г. пасля няўдалай спробы зрынуць Якава II. Аб’яўляючы сябе законным каралём, Скот спрабаваў супрацьпаставіць сябе як пратэстанта каталіку Якаву II.
Нарадзіўся ў Ротэрдаме ў Нідэрландах. Яго маці мела рэпутацыю легкадумнай асобы і ў 1648 годзе стала палюбоўніцай палкоўніка Роберта Сідні.
Сур’ёзныя сумневы Скота наконт рэальнага бацькоўства пачаліся яшчэ ў юнацтве. Па словах сучаснікаў, калі Скот вырас, ён быў значна падобны на Роберта Сідні, чым на меркаванага бацьку Карла.
Аднак пазней кароль даў сведчанні ў пісьмовым выглядзе, што ён ніколі не быў жанаты ні на кім, акрамя каралевы. Карл II прызнаў яго сваім сынам, але спадчыннікам прастола Скот стаць не мог, паколькі быў народжаны па-за шлюбам.