Джэймс Фрэнсіс Кэгні мл. (англ.: James Francis Cagney, Jr.; 17 ліпеня 1899 — 30 сакавіка 1986) — адзін з найбольш запатрабаваных акцёраў класічнага Галівуда, узнагароджаны ў 1942 годзе «Оскарам» за лепшую мужчынскую ролю. Па выніках XX стагоддзя Амерыканскі інстытут кінамастацтва уключыў Кэгні у дзесятку найвялікшых акцёраў у галівудскай гісторыі. Менавіта яму гэта ўстанова ў 1974 годзе прысудзіла першую ў сваёй гісторыі прэмію за выбітны ўнёсак у развіццё кінамастацтва.