Джэймс Дзьюар (англ.: James Dewar; 20 верасня 1842, Кінкардзін-он-Форт, Шатландыя — 27 сакавіка 1923, Лондан) — шатландскі фізік і хімік.
У 1861 годзе скончыў Эдынбургскі ўніверсітэт. У 1867—1869 гадах стажыраваўся ў Бонскім універсітэце ў Фрыдрыха Аўгуста Кекуле. З 1869 года працаваў у ветэрынарным каледжы Эдынбурга. У 1875—1923 гадах — прафесар Кембрыджскага ўніверсітэта, у 1877—1923 гадах — лонданскага Каралеўскага інстытута. Прэзідэнт Лонданскага хімічнага таварыства з 1897 па 1899 год.
Узнагароджаны медалямі Румфарда (1894) і Лавуазье (1904).