Джон Сёрціс (англ.: John Surtees, 11 лютага 1934, Тэтсфілд, Сурэй, Велікабрытанія — 10 сакавіка 2017, Лондан, Вялікабрытанія) — брытанскі аўтагоншчык і матагоншчык. Адзіны ў свеце гоншчык, які стаў чэмпіёнам свету ў Формуле-1 (1964 год, Ferrari) і матагонках (1956, 1958, 1959, 1960). Бацька Генры Сёрціса (1991—2009), які загінуў улетку 2009 года ў гонцы Формулы-2. Дэбютаваў у Формуле-1 у 1960 годзе, прыняўшы ўдзел у Гран-пры Манака ў складзе каманды Лотуса. Праз усяго чатыры месяцы ён упершыню заняў другое месца на Гран-Пры Вялікабрытаніі. На наступным Гран-пры, які праходзіў у Партугаліі, заваяваў свой першы поўл, але быў вымушаны сысці з гонкі з-за праблем з радыятарам.
Правёўшы сезон 1961 года ў камандзе Купер і сезон 1962 — у Лола Рэйсінг Карз, у 1963 годзе перайшоў у Ферары. У складзе гэтай каманды ён стаў чэмпіёнам свету 1964 года, атрымаўшы за сезон перамогі ў двух Гран-пры і тройчы фінішаваўшы на другім месцы.