У Вікіпедыі ёсць артыкулы пра іншых асоб з прозвішчам Келер.
Джозеф Бішап Келер (англ.: Joseph Bishop Keller; 31 ліпеня 1923 — 7 верасня 2016) — амерыканскі матэматык, які спецыялізаваўся ў сферы прыкладной матэматыкі. Найбольш вядомы сваёй працай пра геаметрычную тэорыю дыфракцыі.
Нарадзіўся ў Патэрсане, вучыўся ў школе Eastside High School, дзе быў членам каманды па матэматыцы. Пасля атрымання ў 1943 годзе ступені бакалаўра ў Нью-Ёркскім універсітэце атрымаў там жа ў 1948 годзе ступень PhD пад кіраўніцтвам Рыхарда Куранта. Быў прафесарам матэматыкі ў Курантаўскім інстытуце матэматычных навук Нью-Ёркскага ўніверсітэта да 1979 года. Затым працаваў прафесарам матэматыкі і машынабудавання ў Стэнфардскім універсітэце да 1993 года, калі стаў эмерытам.