Джавані Санці (італ.: Giovanni Santi; 1435 — 1 жніўня 1494) — італьянскі жывапісец і дэкаратар, бацька Рафаэля Санці. Джавані Санці нарадзіўся ў муніцыпалітэце Урбіна. Некаторы час быў даволі паспяховым прадпрымальнікам, пасля вучыўся маляванню ў П’ера дэла Франчэска. Таксама ёсць здагадка, што Джавані быў асістэнтам і сябрам у іншага вядомага мастака Мелоцы дзі Форлі. Пазней Джавані стаў прыдворным мастаком у герцага Урбіна Федэрыга да Мантэфельтра і чымсьці накшталт міністра асветы яго спадчынніка Гвідабальда. Ім былі створаны некалькі алтарных карцін, якія захоўваюцца ў цяперашні час у Берлінскім музеі, нацыянальнай галерэі Лондана, музеі выяўленчых мастацтваў Будапешта, і іншых музеях.