wd wp Пошук: ⬜

Даніэль Бруль

У гэтага паняцця ёсць і іншыя значэнні, гл. Бруль.

Даніэль Сесар Марцін Бруль Гансалес Дамінга (катал.: Daniel César Martín Brühl González Domingo; нар. 16 чэрвеня 1978, Барселона, Каталонія, Іспанія), больш вядомы як Даніэль Бруль (ням.: Daniel Brühl) — нямецкі акцёр.

Дзяцінства

Даніэль нарадзіўся ў Барселоне, Каталонія (Іспанія), у сям’і нямецкага рэжысёра Хана Бруля і яго жонкі, настаўніцы з Каталоніі.

Неўзабаве пасля яго нараджэння сям’я пераехала ў Кёльн, Германія, дзе ён і вырас. Паколькі нарадзіўся ў інтэрнацыянальнай сям’і, свабодна размаўляе на іспанскай, нямецкай, французскай, англійскай мовах, таксама валодае і каталонскай.

Кар’ера

Даніэль пачаў сваю акцёрскую кар’еру ў юным узросце, але глабальны прарыў адбыўся ў 2003 годзе пасля выхаду фільма «Гуд бай, Ленін!», у якім ён згуляў галоўную ролю Алекса Кернера. За гэту ролю ён атрымаў узнагароду Еўрапейскай Кінаакадэміі як лепшы акцёр.

У 2004 годзе ўпершыню паспрабаваў сябе ў англамоўным фільме «Дамы ў ліловым», згуляўшы разам з такімі легендамі брытанскага кінематографа, як Джудзі Дэнч і Мэгі Сміт. У гэтым жа годзе атрымаў узнагароду за лепшую акцёрскую працу (выбар аўдыторыі) за фільм «Навошта думкі пра каханне?», і адначасова намінаваны на аналагічную намінацыю за фільм «Выхавальнікі».

У 2006 годзе быў у журы Канскага Кінафестывалю.

У верасні 2006 года ў Іспаніі выйшаў фільм «Сальвадор», адзначаны на фестывалі ў Канах. У гэтай працы Даніэль Бруль згуляў галоўную ролю — Сальвадора, каталонскага анархіста ў часы рэжыму Франка.

Новыя працы Даніэля складаюцца з англійска-расійскі фільм «Па этапе», дзе ён гуляе маладога нацыста.

У чэрвені 2006 ён здымаўся ў фільме «2 дні ў Парыжы», рамантычнай камедыі, знятай французскай актрысай Жулі Дэльпі, якая таксама здымаецца ў гэтай карціне.

Даніэлю Брулю паступае мноства прапаноў ад розных рэжысёраў. Скончаны здымкі фільма «Крабат», заснаваным на вядомай дзіцячай кнізе, дзе ён выконвае ролю Тонды. Гэта праца пабачыла свет у Германіі ў самым пачатку 2008 года.

Фільмаграфія

Год	Фільм	Роля
2000	Краіна гультаёў
	Schule ці Школа
	У глыбіні	Яі
2001	Не шкадаваць ні аб чым	Даніэль
2001	Белы шум	Лукас
2002	Ідзі з богам Vaya con Dios	Арба
2002	Сэрца слана	Марка
2003	Гуд бай, Ленін!	Алекс
2004	Навошта думкі пра каханне?	Паўль
	Дамы ў ліловым	Анджэй
	Загранічча	Франк
	Выхавальнікі	Ян
2005	Шчаслівага Ражства	Хортсмаер
2006	Груз	Крыс
	Сальвадор Salvador (Puig Antich)	Сальвадор Пуіг Антых
	Мой сябар Ein Freund Von Mir	Карл
2007	Два дні ў Парыжы	Лукас
2007	Ультыматум Борна	Марцін Крэўтц
2008	Па этапе	Клаўс
	Крабат. Вучань ведзьмака	Тонда
	A Tram in SP	Маркас
2009	Джон Рабэ	Dr. Георг Розен
	Графіня	Іштван Турзо
	Бясслаўныя вырадкі	Фрэдрык Цолер
2011	Ева: Штучны розум	Алекс
2013	Гонка	Нікі Лаўда

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129255335 // Агульны нарматыўны кантроль — 2012—2016. Праверана 14 жніўня 2015.
↑ Daniel Brühl // filmportal.de — 2005. Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129255335 // Агульны нарматыўны кантроль — 2012—2016. Праверана 10 снежня 2014.

Спасылкі

Даніэль Бруль на сайце «Internet Movie Database» (англ.)