Дандр

Дандр (нідэрл.: Dender, фр.: Dendre, валон.: Tinre) — рака ў Бельгіі, правы прыток Шэльды. Даўжыня — каля 65 кіламетраў. Працякае па тэрыторыі правінцый Эно і Усходняя Фландрыя.

Жыўленне ракі пераважна дажджавое (на 91 %), з чым звязаны непастаянны характар цячэння. Падчас моцных дажджоў расход вады можа дасягаць 116 м³/с, калі дажджоў выпадае мала, напрыклад летам, расход можа зніжацца да 0,4 м³/с.

Ад іншых рэк Фландрыі Дандр адрозніваецца значным перападам вышынь. У верхнім цячэнні ракі перапад складае 78 см/км, у сярэднім — 28,5 см/км. Мінімальнае значэнне перападу вышынь (у раёне Дэндэрмондэ) складае 20 см/км.

Артыкулу не хапае спасылак на крыніцы. Звесткі мусяць быць правяральнымі або іх могуць выдаліць. Вы можаце адрэдагаваць артыкул, дадаўшы спасылкі на аўтарытэтныя крыніцы. Шаблон пастаўлены 23 чэрвеня 2022 года.