Гра́ндзіцкі сельсавет — былая адміністрацыйна-тэрытарыяльная адзінка ў складзе Гродзенскага раёна Гродзенскай вобласці. Цэнтр — вёска Грандзічы.
Утвораны 12 кастрычніка 1940 года ў складзе Гродзенскага раёна Беластоцкай вобласці БССР. З 20 верасня 1944 года ў складзе Гродзенскай вобласці. 2 снежня 1961 года ў склад Путрышкаўскага сельсавета перададзены вёскі Малышчына і Кульбакі[1]. 11 лютага 1972 года ў склад сельсавета з Гожскага сельсавета перададзены вёскі Русота Каменная і Чашчаўляны, з Путрышкаўскага сельсавета — вёскі Астравок і Русота[2]. 16 сакавіка 1987 года сельсавет скасаваны, яго тэрыторыя далучана да Путрышкаўскага сельсавета[3].
На момант скасавання ў склад сельсавета ўваходзілі 12 населеных пунктаў: Астравок 1, Астравок 2, Грандзічы, Дзевятоўка, Дуброва, Зарыца, Кукалі, Лапенкі, Падкрыжакі, Русота, Русота Каменная і Чашчаўляны.