Готфрыд фон Эрдмансдорф (ням.: Gottfried von Erdmannsdorf; 25 красавіка 1893, Каменц — 30 студзеня 1946, Мінск) — нямецкі ваенны злачынец, генерал-маёр.
Удзельнік першай сусветнай вайны, афіцэр егерскай службы. Ваенны камендант Эрфурта ад 10 лістапада 1938. Ад 1 верасня 1939 уваходзіў у штаб 12-й Арміі. Ад 1 кастрычніка 1939 — камандуючы 171-га пяхотнага палка, 5 кастрычніка 1942—18 сакавіка 1944 — камандуючы 465-й дывізіі. У 1942 узнагароджаны Рыцарскім Крыжам. У красавіку-30 чэрвеня 1944 камандуючы камандуючы Магілёўскага ўмацаванага раёна. Удзельнік карных акцый на тэрыторыі Беларусі.
27—28 чэрвеня 1944 узяты ў палон савецкімі войскамі. На Мінскім працэсе 1946 быў асуджаны 29 студзеня 1946 да вышэйшай меры пакарання. Павешаны 30 студзеня 1946 на Мінскім іпадроме.