Герб Ліпнішак — геральдычны сімвал Ліпнішак, нададзены гораду каралём польскім і вялікім князем літоўскім Уладзіславам Вазам 6 чэрвеня 1633: «у чырвоным полі вершнік з дзідай у руцэ»[1].
Беларускі геральдыст Анатоль Цітоў адзначае, што варыяцыя «Пагоні», калі яздок трымае дзіду ўперавес, больш нідзе, акрамя Ліпнішскага гарадскога герба, пакуль не знойдзены. Спецыяліст не выключае, што дадзены варыянт з’яўляецца, у пэўнай ступені, рэмінісцэнцыяй іканаграфіі св. Глеба[2].
У 2007 годзе гербу быў нададзены статус нематэрыяльнай гісторыка-культурнай каштоўнасці Рэспублікі Беларусь.