Герб Жыткавічаў — афіцыйны геральдычны сімвал горада Жыткавічы Гомельскай вобласці. Герб зарэгістраваны ў Гербавым матрыкуле Рэспублікі Беларусь 20 ліпеня 2000 года № 19.
У чырвоным полі іспанскага шчыта срэбны хвалісты пояс, над якім срэбная раздвоеная ўнізе страла, перасечаная крыжам.
Рашэнне аб зацвярджэнні герба горада Жыткавічы было прынята Жыткавіцкім раённым выканаўчым камітэтам ад 3 красавіка 2000 года № 251, аб сцягу горада Жыткавічы і Жыткавіцкага раёна — 9 жніўня 2010 года № 1003. Аўтар герба А. А. Шпунт[1].