Генрых фон Клейст, таксама Генрых фон Кляйст (ням.: Bernd Heinrich Wilhelm von Kleist; 18 кастрычніка 1777, Франкфурт-на-Одэры — 21 лістапада 1811, Ванзээ, каля Патсдама) — нямецкі драматург, паэт і празаік. Адзін з пачынальнікаў жанру апавядання. На творы Клейста пісалі музыку, а яго драмы, апавяданні і эсэ неаднаразова экранізаваліся.
У 1912 годзе, калі адзначаўся стагадовы юбілей пісьменніка, была заснавана прэстыжная нямецкая літаратурная прэмія ў яго гонар.