wd wp Пошук: ⬜

Генрык Дэмбінскі

У Вікіпедыі ёсць артыкулы пра іншых асоб з прозвішчам Дэмбінскі.

Генрык Дэмбінскі (польск.: Henryk Dembiński; 16 студзеня 1791 — 13 чэрвеня 1864) — польскі генерал, удзельнік кампаніі 1812—1814 гадоў і паўстання 1830—1831 гадоў.

Біяграфія

Паходзіў са шляхецкага роду Дэмбінскіх.

Польскі генерал, удзельнік кампаніі 1812—1814 гадоў.

Падчас паўстання 1830—1831 гадоў арганізатар узброеных сіл у Кракаўскім ваяводстве, 29 красавіка 1831 года генерал брыгады. У пачатку чэрвеня ў складзе польскіх войскаў яго атрад уступіў на тэрыторыю Вiленскай губерні. Пасля няўдалага штурму Вільні 19 чэрвеня 1831 года на чале асобнага фарміравання з 4 тыс. чалавек здзейсніў адыход праз Гродзенскую губерню. За вайсковую мужнасць удзельнікі гэтай кампаніі атрымалі ад сейма дыплом «Добра паслужыўшых Айчыне». З 7 жніўня 1831 года губернатар Варшавы. 5 кастрычніка 1831 года з корпусам Ф. Роланда перайшоў межы Прусіі.

Партрэт генерала Генрыха Дэмбінскага. Генрых Радакоўскі, 1852

У эміграцыі пачаткова ў Дрэздэне, дзе апісаў падзеі літоўскай кампаніі. З восені 1832 года ў Парыжы, падтрымліваў палітыку Адама Чартарыйскага. У 1834 годзе ўступіў у егіпецкую армію. З 1849 года ў венгерскай арміі. Пазней вярнуўся ў Францыю, памёр у Парыжы, пахаваны на Манмарансі.

Зноскі

↑ Dr. Constant v. Wurzbach Dembiński, Heinrich // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 3. — S. 230.
↑ Henryk Dembiński h. Nieczuja // Internetowy Polski Słownik Biograficzny
↑ Brozović D., Ladan T. Henryk Dembiński // Hrvatska enciklopedija — LZMK, 1999. — 9272 с. — ISBN 978-953-6036-31-8

Літаратура

Дэмбінскі Генрык // Удзельнікі паўстання 1830–1831 гг. на Беларусі: Біябібліяграфічны слоўнік / В. В. Гарбачова. — Мн.: БДУ, 2004. — 400 с. — ISBN 985-485-144-3.

Спасылкі

Генрык Дэмбінскі на сайце анлайн-энцыклапедыі «Беларусь у асобах і падзеях»