wd wp Пошук: ⬜

Ганна Севярынец

У Вікіпедыі ёсць артыкулы пра іншых асоб з прозвішчам Севярынец. Ганна Канстанцінаўна Севяры́нец (нар. 23 кастрычніка 1975, Мінск [2]) — беларуская выкладчыца, журналістка і пісьменніца. Літаратуразнаўца[3], даследчыца беларускай літаратуры[4].

Біяграфічныя звесткі

Нарадзілася ў сям’і беларускага журналіста Канстанціна Севярынца. Скончыла філалагічны факультэт БДУ, аспірантуру па кафедры рускай літаратуры. Жыве ў Смалявічах.

Працавала ў школах і гімназіях Менску, некаторы час - у камерцыйнай сферы. Затым выкладала беларускую і рускую мову і літаратуру ў Смалявіцкай раённай гімназіі. Была прызнана «Настаўнікам года Смалявіцкага раёна — 2019»[5]. Улетку 2020 года ў яе скончыўся 5-гадовы працоўны кантракт, які адміністрацыя не працягнула[6]. Гэтаму папярэднічала публікацыя верша Ганны Севярынец «А я за вас не галасавала ніколі» на сайце беларускай службы «Радыё Свабода»[7], як рэакцыі на ваяўнічя заявы кіраўніка Беларусі Аляксандра Лукашэнкі, дзе той згадваў расстрэлы тысячы чалавек у Андыжане, калі былы ўзбекскі прэзідэнт Іслам Карымаў падавіў там путч.

Прэміі

2014 год — лаўрэат Прэміі «Экслібрыс», прысвечанай Аляксандру Уласаву, за эсэ «Беларуская мова: онтагенэз».
2017 год — «Гліняны Вялес», за кнігу «Дзень святога Патрыка».
2018 год — доўгі спіс «прэміі Ежы Гедройца», за кнігу «Дзень святога Патрыка».
2018 год — «Празрысты Эол», за вызначэнне дакладнай даты напісання верша Алеся Дудара «Пасеклі край наш папалам».
2019 год — «Чалавек года» (па версіі газеты «Наша Ніва»), за асветніцкую працу[8]
2020 год — кароткі спіс «прэміі Ежы Гедройца» за кнігу «Гасцініца „Бельгія“».

Бібліяграфія

«Дзень святога Патрыка» (2017 г., выд. «Регистр»)[9]
«Уладзімір Дубоўка: ён і пра яго». Дакументальная біяграфія. (2017 г., выд. «Лімарыус»)
Алесь Дудар. Выбраныя творы. Укладанне, прадмова, каментары Г.Севярынец (2017 г., выд. “Лімарыус”)
«Гасцініца „Бельгія“» (2019 г., выд. «Регистр»)
«Вакол Пятра Глебкі» (2019 г., выд. «Лімарыус»)
Янка Купала. Выбраныя творы. Укладанне, прадмова, каментары Г.Севярынец (2020 г., выд.“Лімарыус”)
Тры Анегіны: Пушкін, Дудар, Куляшоў. Укладанне, прадмова, каментары Г.Севярынец (2020 г., выд.“Рэгістр”)

Зноскі

↑ https://kamunikat.org/Sieviaryniec_Hanna.html
↑ Ганна Севярынец(нявызн.). Беларуская Інтэрнэт-Бібліятэка Kamunikat (25 красавіка 2015). Праверана 22 сакавіка 2022.
↑ Ганна Севярынец(нявызн.). Радыё Свабода. Праверана 21 жніўня 2019.
↑ Дзіяна Серадзюк. Ганна Севярынец: Адбываецца разбурэнне інтэлектуальнага падмурку нацыі(нявызн.). Новы Час (30 мая 2019). Праверана 21 жніўня 2019.
↑ news.tut.by Архівавана 16 лістапада 2020.
↑ svaboda.org
↑ svaboda.org
↑ «Наша Ніва» назвала людзей года: Севярынцы(нявызн.). Наша Ніва (28 снежня 2019). Праверана 28 снежня 2019.
↑ Наталья Яковенко. Белорусское Зазеркалье // Нёман : часопіс. — Мн.: СПБ, РВУ «Звязда», 2017. — № 11. — С. 176—180.