У Вікіпедыі ёсць артыкулы пра іншых асоб з прозвішчам Курыловіч. Ганна Мікалаеўна Курыловіч (нар. 23 верасня 1938, в.Загор’е, Светлагорскі раён, Гомельская вобласць) — беларускі этнограф. Кандыдат гістарычных навук (1979).
Скончыла БДУ (1966). У 1957—1967 гадах артыстка Дзяржаўнага народнага хору БССР, з 1967 года — навуковы супрацоўнік Інстытута мастацтвазнаўства, этнаграфіі і фальклору АН.
Даследуе матэрыяльную і духоўную культуру беларусаў, промыслы і рамёствы.
Аўтар кнігі «Беларускае народнае ткацтва» (1981), сааўтар прац «Беларускае народнае адзенне» (1975), «Змены ў побыце і культуры сельскага насельніцтва Беларусі» (1976), «Помнікі народнай архітэктуры і побыту Беларусі» (1979), «Грамадскі, сямейны побыт і духоўная культура Палесся» (1987), «Палессе. Матэрыяльная культура» (1988).