Галіцкамы́зскі нацыянальны латышскі сельсавет — былая адміністрацыйна-тэрытарыяльная адзінка ў складзе Клімавіцкага раёна Магілёўскай вобласці. Цэнтр — вёска Галіцкая Мыза.
Утвораны 20 жніўня 1924 года як Галіцкамызскі сельсавет у складзе Мілаславіцкага раёна Калінінскай акругі БССР. 24 верасня 1926 года рэарганізаваны ў Галіцкамызскі нацыянальны латышскі сельсавет. З 9 чэрвеня 1927 года ў складзе Магілёўскай акругі. З 4 жніўня 1927 года ў складзе Клімавіцкага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Клімавіцкім раёне БССР, з 20 лютага 1938 года — Магілёўскай вобласці. 5 ліпеня 1938 года скасаваны, тэрыторыя далучана да Галіцкага сельсавета[1].