Га́ліца[1] (трансліт.: Halica, руск.: Галица) — вёска ў Мінскім раёне Мінскай вобласці. Уваходзіць у склад Астрашыцкагарадоцкага сельсавета.
Вядома з 1440-х гадоў, калі «4 чоловеки Гоголичан Менских, а два чоловеки Корговци Логожан» былі дададзены да маёнтка «Острожчицы», нададзенага маршалку гаспадарскаму пану Войтку.[2]
Пазней «двор» «Гоголица», да якога таксама належалі «людзі» і сенажаці на рацэ Качыне, у тым ліку набытыя ў менскіх мяшчан і іншых асоб, трымаў пісар гаспадарскі Івашка Уладыка, які ў 1493 годзе прадаў гэтыя ўладанні пісару гаспадарскаму Федку Рыгоравічу.[3]
Паводле інвентара 1557 года, калі Астрошыцкі маёнтак належаў пану Гарнастаю, у вёсцы «Гоголица» 10 двароў. Падзелу на «службы» не было, належалы кожнаму двару ўчастак вызначаўся ў інвертары як «земля зупольная», падданыя на грашовым чыншы, які зваўся «куніцай», памерам у 40 грошай серабром.[2]