Віталік Бутэрын, поўнае імя Віталій Дзмітрыевіч Бутэрын (руск.: Виталий Дмитриевич Бутерин; нар. 31 студзеня 1994, Каломна, Маскоўская вобласць, Расія) — расійска-канадскі праграміст, вядомы як сузаснавальнік Ethereum[3] і часопіса Bitcoin Magazine[4].
Ва ўзросце 6 гадоў пераехаў з бацькамі ў Канаду.
Чатыры гады навучаўся ў прыватнай школе Abelard School у Таронта, гэты час Бутэрын назваў «найбольш цікавымі і прадуктыўнымі гадамі свайго жыцця»[5]. З ранняга ўзросту выяўляў здольнасці і цікавасць да матэматыкі і камп’ютарных навук[6].
У 2012 годзе ў Італіі атрымаў бронзавы медаль на міжнароднай алімпіядзе па інфарматыцы[be-tarask][7].
У 2014 годзе атрымаў прэмію World Technology Award за ідэю праекта Ethereum[8].
У 2018 годзе музыканты Gramatik & Kotek выпусцілі кампазіцыю, прысвечаную Віталіку Бутэрыну[9].
У 2022 годзе стаў асобай вокладкі часопіса Time, якая ўпершыню выйшла ў NFT-версіі[10].