У Вікіпедыі ёсць артыкулы пра іншых асоб з прозвішчам Тарас. Віталь Валянцінавіч Тарас (6 мая 1956, Мінск — 18 студзеня 2011, Мінск) — беларускі журналіст, публіцыст. Член Саюза беларускіх пісьменнікаў.
Нарадзіўся ў сям’і пісьменніка Валянціна Тараса. Пачаў друкавацца з 1973 года ў газеце «Знамя юности»[1]. Скончыў журфак БДУ (1983)[2].
Працаваў на Беларускім тэлебачанні, у газетах «Літаратура і Мастацтва», «Культура», расійскай «Общей газете», на радыё «Свабода», «Нашай Ніве». У шэрагах БАЖ з моманту заснавання.
З 2009 года[2] — член Беларускага ПЭН-цэнтра.
Лаўрэат прэміі імя Алеся Адамовіча Беларускага ПЭН-цэнтра за 1996 год.