Мансіньёр Вісвальдас Кульбокас (літ.: Visvaldas Kulbokas; 14 мая 1974, Клайпеда, Літва) — рымска-каталіцкі тытулярны архібіскуп Мартаны, дыпламат.
Дыпламатычную службу пры Святым Пасадзе распачаў у ліпені 2004 года. Служыў у ватыканскіх прадстаўніцтвах у Ліване, Нідэрландах, Расіі, а таксама працаваў у аддзеле сувязяў з дзяржавамі Дзяржсакаратарыяту Святога Пасаду і ў Кеніі. Валодае італьянскай, французскай, іспанскай, англійскай і расейскай мовамі.
Быў перакладчыкам на сустрэчах Папы Францішка з прэзідэнтам Пуціным і з Маскоўскім Патрыярхам Кірылам, а таксама наведаў Беларусь падчас візіту ў краіну Дзяржаўнага Сакратара Яго Святасці Папы Францішка кардынала П’етро Параліна.
15 чэрвеня 2021 года стаў шостым Апостальскім нунцыем ва Украіне[1].