Віктар Максімавіч Жырмунскі (руск.: Ви́ктор Макси́мович Жирму́нский; 21 ліпеня [2 жніўня] 1891, Санкт-Пецярбург — 31 студзеня 1971, Ленінград) — савецкі лінгвіст і літаратуразнаўца, доктар філалагічных навук, прафесар, акадэмік АН СССР (1966), ганаровы член Баварскай, Брытанскай (член- карэспандэнт, 1962), Саксонскай і іншых акадэмій, ганаровы доктар многіх універсітэтаў, у тым ліку Оксфардскага (1966).
Спецыяліст па нямецкай і агульнай дыялекталогіі, гісторыі германскіх моў, тэорыі граматыкі, цюрколаг, гісторыі нямецкай і англійскай літаратуры, параўнальнаму літаратуразнаўству, тэорыі эпасу, вершазнаўству; шэраг работ напісаны па-нямецку ці апублікаваны ў нямецкіх перакладах.