У Вікіпедыі ёсць артыкулы пра іншых асоб з прозвішчам Ганчароў.
Віктар Канстанцінавіч Ганчароў (нар. 14 сакавіка 1939, в. Сакалоўка, Краснасулінскі раён, Растоўская вобласць, Расія) — беларускі радыёфізік. Доктар фізіка-матэматычных навук (1994), прафесар (2006).
Скончыў Варонежскі дзяржаўны ўніверсітэт (спецыяльнасць «Радыёфізіка і электроніка», 1962).
Працаваў на Мінскім прыборабудаўнічым заводзе імя У. І. Леніна (1962—1965), Інстытуце фізікі АН БССР (1965—1979), Інстытуце прыкладных фізічных праблем імя А. Н. Сеўчанкі Беларускага дзяржаўнага ўніверсітэта (з 1979, лабараторыя лазернай плазмадынамікі, загадчык лабараторыі).
Навуковыя інтарэсы: узаемадзеянне лазернага выпраменьвання з рэчывам; лазерныя тэхналогіі.
Дзяржаўная прэмія Рэспублікі Беларусь (1992).