Вярблюдка[3] (Corispermum) — род раслін сямейства Лебядовыя (Chenopodiaceae), налічвае больш за 60 відаў. Распаўсюджаныя ў Паўночнай Амерыцы і Еўразіі, аднак дакладны арэал не апісаны.
Аднагадовыя невысокія травы з разгалінаваным сцяблом вышынёй 10—60 см і прамым тонкім лісцем з 1—3 падоўжнымі жылкамі. Кветкі дробныя, сабраныя ў вузкакаласападобнае суквецце. У некаторых відаў Corispermum ёсць толькі адна тычынка. Плод эліптычны, пляскаты з бакоў. Насенне мае кольцападобны сагнуты зародак і развіты эндасперм.
Кармавыя расліны. Некаторыя віды — пустазелле.
Паводле базы даных The Plant List (2013) род уключае 69 відаў[4]